Concello de Ribadeo

Reunión cos traballadores

Wed, 16 May 2012 00:00:00 +0200

O Goberno Municipal pretende levar adiante un reaxuste nas funcións da RPT dos empregados públicos municipais. A proposta mantén todos os postos de traballo, non conleva un só recorte salarial e está aberta á negociación. O alcalde, Fernando Suárez, subliña que o obxectivo é ser máis produtivos polo ben dos veciños e das veciñas de Ribadeo.

Buxiganga en Ribadeo

Tue, 15 May 2012 00:00:00 +0200

O vicepresidente da Deputación de Lugo, Antonio Veiga, e o alcalde, Fernando Suárez, presentaron este mediodía no salón de plenos do Concello a cuarta edición do programa teatral "Buxiganga", que arrinca o vindeiro venres, 18 de maio, en distintos espazos da vila.

Liña de alta tensión

Tue, 15 May 2012 00:00:00 +0200

O alcalde, Fernando Suárez, amosóuse satisfeito despois de coñecer a resolución da Consellería de Economía e Industria pola que se autoriza administrativamente e se aproba o proxecto de execución e se declara a utilidade pública da liña de alta tensión (Trabada-Piñeira) 132kv e tamén da subestación eléctrica de Ribadeo. O rexedor considera que esta infraestructura era moi necesaria para Ribadeo e para o futuro do polígono industrial e agarda que solucione os constantes problemas que sofría o subministro eléctrico no concello.

Longo pleno ordinario

Tue, 15 May 2012 00:00:00 +0200

No pleno celebrado onte no Concello de Ribadeo quedou aprobada a concertación dun crédito por importe de 1.528.000 euros para facer fronte ao pago a proveedores. E tamén unha ordenanza para reducir os trámites, a documentación a presentar por aquelas persoas que teñan que fraccionar débedas tributarias contraídas co Concello. O debate máis duro producíuse durante a aprobación dunha moción presentada polo BNG sobre o mantemento do servizo de axuda no fogar.

ARIS de Rinlo e de Ribadeo

Mon, 14 May 2012 00:00:00 +0200

O alcalde, Fernando Suárez, asistiu en Santiago á sinatura de dous novos convenios dos ARIS de Ribadeo e de Rinlo. O rexedor sinalou que “continuamos así dando un paso adiante na rehabilitación dos dous conxuntos históricos que temos en Ribadeo”. O importe dos convenios ascende a 1.037.500 euros, dos que o Concello aportará o 19%. Serán 200.000 euros os que destine á rehabilitación de espazos públicos.

Toca tapear

Mon, 14 May 2012 00:00:00 +0200

A sétima edición do "Ribadeo de tapeo" quenta motores. O concurso gastronómico, que se desenvolverá do 18 ao 27 de maio en 51 bares, mesóns e restaurantes, ven cargado de novidades e de actividades para facer máis atractiva esta cita, segundo a concelleira de Desenvolvemento Local e Turismo, Ana Martínez.