Concello de Ribadeo

O alcalde Fernando Suárez valora de xeito positivo que a Xunta aposte polo porto comercial de Ribadeo como punto de interés estratéxico. O presidente de Portos de Galicia confirmou este mediodía en Ribadeo que non se fará a nave cuberta na ría.

O alcalde de Ribadeo acusa a algúns sindicatos e grupos da oposición de difamar e minar a credibilidade do equipo de goberno coas declaracións que están a realizar nas últimas xornadas sobre a negociación colectiva. Fernando Suárez asegura que non haberá subas de soldo pola cara.

Mariluz Álvarez Lastra prestou declaración en calidade de testemuña nos xulgados de Mondoñedo na xornada de onte.

O alcalde de Ribadeo, Fernando Suárez, fixo público un bando no que informa que as obras de acondicionamento da rúa Deputación darán comenzo o vindeiro 10 de febreiro. Na primeira fase acometerase o treito comprendido entre as rúas San Francisco e Reinante e na segunda o que vai desde Reinante ata Ramón González. As obras que contan cun orzamento de máis de 350.000 euros son financiadas pola Sociedade Anónima de Xestión do Xacobeo. O rexedor tamén dirixiu unha carta aos veciños pedíndolles comprensión e disculpas polas molestias que poidan sofrir.

O vindeiro venres 5 de febreiro dará comenzo en Ribadeo un ciclo de conferencias denominado "Facendo viva a voz das mulleres".A primeira charla estará adicada ao grupo de gaiteiras "Meniñas de Saudade", no ano no que se conmemora o 50 aniversario da súa creación. Será ás 20:30 horas na Casa do Mar e alí exporase o documental realizado por María Acuña, comunicadora audiovisual.

O escudo preconstitucional do edificio de Aduanas será retirado de xeito inminente e definitivo. Así llo confirmou o Delegado Provincial da Axencia Tributaria, José Mª Núñez, ao rexedor Fernando Suárez no encontro que ambos mantiveron esta mañá.