Ayuntamiento de Ribadeo


Imprimir Enviar

Novas

HAI 21 EXPEDENTES DE 2013 E 9 DESTE ANO

Expedientes Risga

14/05/2014

O alcalde, Fernando Suárez, ven de remitirlle unha carta á conselleira de Traballo e Benestar, Beatriz Mato, para que ese departamento resolva canto antes os 30 expedientes da Risga presentados por outras tantas familias de Ribadeo, e que nalgún caso están pendentes de resolución desde hai oito meses.

AS NOVAS ESTÁN MÁIS LONXE DA PRAIA E NON REBORDARÁN

Fosas sépticas nas Catedrais

13/05/2014

As antigas fosas sépticas da praia das Catedrais xa son historia. Segundo o edil de Medio Ambiente, Horacio Cupeiro, "deste xeito resólvese un dos graves problemas medio ambientais que había nese areal. Retirando as fosas, que estaban situadas preto das escaleiras de acceso á praia, evitamos posibles rebordes ao exterior". Esta mañá unha empresa procedeu á súa extracción.

XA FORON VENDIDAS MILES DE TAPAS NESTES PRIMEIROS DÍAS

Fogóns a toda máquina

13/05/2014

A concelleira de Desenvolvemento Local e Turismo, Ana Martínez, fai unha valoración positiva do discorrer do concurso gastronómico "Ribadeo, de tapeo", que continuará ata o 18 de maio en 48 locais hostaleiros da vila e das parroquias.

AS PRAZAS DAS ACTIVIDADES SON LIMITADAS

Foros para as mulleres

13/05/2014

Os VIII Foros Permanentes para as Mulleres, que organiza a Concellaría de Igualdade, dan comezo mañá cun obradoiro de risoterapia. A novidade desta edición é o grupo de axuda mutua e apoio psicolóxico, que se porá en marcha o 20 de maio co obxecto de axudar a superar determinadas situacións traumáticas a través de terapias de grupo. Os Foros inclúen os Domingos a pé cun roteiro polas Fragas da Becerreira o día 1 de xuño, e unha viaxe relaxante ao Spa de Vilalba o 15 de xuño.

DISPUTARASE EN RIBADEO, BARREIROS, TAPIA E VEGADEO

Torneo Vila de Ribadeo

13/05/2014

O salón de plenos do Concello acolleu onte á noite a presentación do IX Torneo Internacional Vila de Ribadeo de Fútbol Veterano, que traerá á vila a 42 equipos chegados desde Bélxica, Portugal, Inglaterra, Brasil, Asturias, Madrid, Castela-León, Canarias, Cantabria e Galicia. En total serán arredor de 1.000 persoas as que enchan os hoteis de Ribadeo os días 23, 24 e 25 de maio. O evento suporá, en palabras do alcalde, Fernando Suárez, e do concelleiro de Deportes, Vicente Castro, unha grande promoción turística para Ribadeo e para esta zona. De feito os participantes visitarán algúns puntos de interese como a praia das Catedrais.  

OS DOUS COLEXIOS RIBADENSES PARTICIPARÁN NESTE PROGRAMA

Astronomía

12/05/2014

O vindeiro mércores haberá unha observación astronómica no porto de Rinlo. A actividade está organizada pola Universidade de Santiago de Compostela e o Concello de Ribadeo. Horacio Cupeiro tamén tildou de éxito o Xeolodía, celebrado o pasado sábado.





© 2008 Concello de Ribadeo